Гаагадаги Халқаро жиноий суди Россиянинг узоқ масофага учувчи авиацияси ва Қора денгиз флоти қўмондонларини ҳарбий жиноятларни содир этганликда гумон қилиб, ҳибсга олишга ордер берди. Суд улар ўтган қишда Украина энергетика инфратузилмасига қилинган ракета ҳужумлари учун жавобгар, деб ҳисоблайди.
30 майга ўтар кечаси Киев ой бошидан буён 17-марта оммавий ҳаво ҳужумига учради. Бир киши ҳалок бўлди, яна 13 киши яраланди. Ўша куни эрталаб Москвага ҳам учувчисиз учиш аппаратлари ҳужуми уюштирилди, бир нечта бинолар зарар кўрди.
Қозоғистон Марказий Осиё давлатлари орасида биринчи бўлиб Хитойнинг «Украина инқирози»ни ҳал қилиш бўйича «тинчлик режаси»га муносабат билдирди. Аввалроқ Россия ташаббусни қўллаб-қувватлаган. Зеленский таклифда «тинчлик режаси»ни кўрмаган, Байден эса буни фақат Россия учун манфаатли деб ҳисоблайди.
Қўшимча имкониятларга эга булиш учун сайтда рўйхатдан ўтинг